1)       Z'nachst hat mir mei Dirndl
A Brieferl zuag'schrieb'n,
Warum i denn bei der Nacht
Gar nimma kimm,
Und des war halt so schlimm
Daß i gar nimma kimm.
Holla rirara di hollaradia

 

2)       Wia i ‘s Brieferl aufg'macht,
Hat ma's Herz im Leib lacht,
I bin auf und bin furt
Bei der stockfinstern Nacht,
Hab's gar nimma g'acht
Die stockfinsta Nacht.
Holla rirara di hollaradia

 

3)       Da geh i halt schleuni
Beim Bauern ums Eck,
Da san die Kreuz-Sakra
No net im Bett,
Dös is halt a G'frett
San dö no net im Bett.
Holla rirara di hollaradia

 

4)       Da fang i halt glei'
Zum räuspern mi o,
Und ‚s Deandl hat mi ghert
hat mas Fensterl aufdo,
Steig aufa zu mir,
Du woaßt as scho wia.
Holla rirara di hollaradia

 

5)       Kaum bin i a Stündl
Beim Deandl drin g'wen,
Da kimmt scho der Bauer
Mit', Ochsenzeahm z'wen'g'
I schau ganz verleg'n,
Z wengn an Ochsenzeahm z'wen'g.
Holla rirara di hollaradia

 

6)       Du, Hiasl, sagt's Deandl
I woaß dir an Rat,
Beim Fenster muaßt aussi,
Bei der Tür is scho' z'spat,
I dank schö' für'n Rat
Bei der Tür is scho' z'spat.
Holla rirara di hollaradia

 

7)       Da han i mi schleuni
Ums Fensterl umg'schaut,
Da hat mi der Bauer
Scho hint auffi g'haut,
A da hab i g'schaut,
Hat mi der auffi g'haut.
Holla rirara di hollaradia

 

8)       Und wia i beim Fenster
Bin außi g'schloffa,
Da ist mir der Fensterstock
Nachi brocha,
Sakra des Glump
Alle zwoa lieg’n ma drunt
Holla rirara di hollaradia

 

9)       Da schreit glei der Bauer
Geh' Hiasl, hoho,
Hiazt laß mir um Gottswill'n
Mein Fensterstock do,
Du kannst' net braucha
Und mir geht er o.
Holla rirara di hollaradia

 

10)       Wann’s an jed’n a so gang,
Es wie mir is ganga,
Da gang bald koan Bua mehr
Zur Menschakamma
Zur Menschakamma
In’s Fleh a fanga
Holla rirara di hollaradia

 

Lied_205.doc