1)                      Hiazt sing’ma über d‘ Weiberleut, wias san za dera Zeit

die oia brava auf der Erd, is koan Schuß Pulver wert

[sempern so oft sie’s gfreut, mit die arma Mannerleut

ja so san die Weiberleut zu der heutigen Zeit.]

 

2)                      Hat oani a wenga schener’s Gsicht, dann is a alte Gschicht

kannst das ja e glei hern, der und der möcht mi gern

[bleibn’d aba e koan treu, mögn tatn’s a zwen a drei

ja so san die Weiberleut zu der heutigen Zeit.]

 

3)                      Und hat oani gar a Haus, dann moats hiazt is e schon aus

da moans nachand was net warn, wans a weng nobli tat‘n

[kinans aba e net grat’n zu ana andern miaßn’s a was sagn

ja so san die Weiberleut zu der heutigen Zeit.]

 

4)                      Oft a ältere hat a Pein, sie moat sie kan nimma lustig sein

wans a so a aufklärte Junge hert, moats hiazt is d‘ Welt verkehrt

[selber hat’s sies aba e a tan, sie hat neta ois vergess’n schon

ja so san die Weiberleut zu der heutigen Zeit.]

 

5)                      Hat oft oani d‘ Zähnt heraußt, wegn den is nu lang net aus

für’s Geld gibt’s a neichs Gebiß, viel schöna wia des alt gwen is

[tat’s das ja e net moan, was weng der Hoffart doan

ja so san die Weiberleut zu der heutigen Zeit.]

 

6)                      Hiazt mach ma mit’n Singa schluß, sonst kriagma an Verdruß

d‘ Weiberleut es wisst’s es ja, verdrag’n net recht viel va da

hab’m eana d‘ Wahrad gsagt, des hat eana e net gschad

ja so san die Weiberleut zu der heutigen Zeit.]