1)       Macht da Hahn in da Fruah den erstn Krahra

so reck i mei Köpferl in d‘ Höh

I bin halt a Fuhrmann a schwara

nimm die Peitschn in d‘ Hand und schrei he

 

[Aber i schrei hü, aber i schrei ho

Aber i schrei alleweil hüstera ho]

 

2)       I hab ja zwoa kohlschwarze Rappn

san eingspannt in an vierzöllign Wagn

I han halt mei Freud wanns schön trappn

des kann i koan Menschn net sagn

 

[Aber i schrei hü, aber i schrei ho

Aber i schrei alleweil hüstera ho]

 

3)       I hab halt a bildsaubers Madal

is gschniatzt aus an eigenen Holz

Sie wascht ma beim Wagn schön die Radal

drum bin i auf sie gar so stolz

 

[Aber i schrei hü, aber i schrei ho

Aber i schrei alleweil hüstera ho]